REQUIEM ET KYRIE
Requiem aeternam dona eis, Domine,
et lux perpetua luceat eis.
Te decet hymnus, Deus in Sion,
et tibi reddetur votum in Jerusalem.
Exaudi orationem meam: ad te omnis caro veniet.
Requiem aeternam dona eis, Domine,
et lux perpetua luceat eis.
Kyrie eleison.
Christe eleison.
Kyrie eleison.
GRADUALE
Requiem aeternam dona eis, Domine,
et lux perpetua luceat eis,
In memoria aeterna erit justus,
ab auditione mala non timebit.
DIES IRAE
Dies irae, dies illa
Solvet saeclum in favilla…
Teste David cum Sibylla.
Quantus tremor est futurus,
Quando judex est venturus,
Cuncta stricte discussurus!
Tuba mirum spargens sonum
Per sepulchra regionum
Coget omnes ante thronum.
Mors stupebit et natura,
Cum resurget creatura
Judicanti responsura.
Liber scriptus proferetur,
In quo totum continetur,
Unde mundus judicetur.
Judex ergo cum sedebit,
Quidquid latet, apparebit.
Nil inultum remanebit.
Quid sum miser, tunc dicturus?
Quem patronum rogaturus,
Cum vix justus sit securus?
Rex tremendae majestatis,
Qui salvandos salvas gratis,
Salva me, fons pietatis.
Recordare Jesu pie,
Quod sum causa tuae viae.
Ne me perdas illa die.
Quarens me, sedisti lassus.
Redemisti crucem passus.
Tantus labor non sit cassus.
Juste judex ultionis,
Donum fac remissionis
Ante diem rationis.
Ingemisco, tanquam reus…
Culpa rubet vultus meus:
Supplicanti parce Deus.
Qui Mariam absolvisti,
Et latronem exaudisti,
Mihi quoque spem dedisti.
Preces meae non sunct dignae,
Sed tu bonus fac benigne,
Ne perenni cremer igne.
Inter oves locum prasta,
Et ab haedis me sequestra.
Statuens in parte dextra.
Confutatis maledictis,
Flammis acribus addictis,
Voca me cum benedictis.
Oro supplex et acclinis,
Cor contritum quasi cinis.
Gere curam mei finis.
Lacrymosa dies illa,
Qua resurget ex favilla,
Judicandus homo réus!
Huic ergo parce, Deus,
Pie Jesu Domine,
Dona eis réquiem. Amen.
OFFERTORIUM
Domine Jesu Christe! Domine Jesu Christe! Rex gloriae!
libera animas omnium fi delium defunctorum
de poenis inferni et de profundo lacu!
libera eas de ore leonis,
ne absorbeat eas tartarus, ne cadant in obscurum
|
